წესები და პირობები

1. ზოგადი დებულებები

წინამდებარე „წესები და პირობები“ არეგულირებს დოჯო11-ის პლატფორმის გამოყენების წესებს.

პლატფორმის გამოყენებით მომხმარებელი ადასტურებს, რომ გაეცნო წინამდებარე პირობებს და ეთანხმება მათ სრულად. თუ მომხმარებელი არ ეთანხმება ამ პირობებს, ის ვალდებულია შეწყვიტოს პლატფორმის გამოყენება.

2. რეგისტრაცია და მომხმარებლის ანგარიში

• მომხმარებელი ვალდებულია მიუთითოს ზუსტი და სრული ინფორმაცია რეგისტრაციისას.
• მომხმარებელი პასუხისმგებელია ანგარიშის მონაცემების (მათ შორის პაროლის) კონფიდენციალურობაზე.
• აკრძალულია მესამე პირისთვის ანგარიშის გადაცემა ან სხვისი ანგარიშის გამოყენება.
• პლატფორმა უფლებამოსილია შეზღუდოს ან დაბლოკოს ანგარიში წესების დარღვევის, თაღლითობის ან უსაფრთხოების რისკის შემთხვევაში.

3. მომსახურების აღწერა

პლატფორმა უზრუნველყოფს დოჯოს მომსახურებასთან დაკავშირებული პროცესების ციფრულ მართვას, მათ შორის:

• ჯგუფებში ჩარიცხვასა და ადმინისტრირებას;
• გამოცდებზე რეგისტრაციასა და შედეგების ასახვას;
• ონლაინ გადახდების განხორციელებას;
• შეტყობინებებსა და კომუნიკაციას მომხმარებელთან.

დოჯო11 იტოვებს უფლებას განახლდეს ან შეიცვალოს მომსახურების პირობები, განრიგი, პროგრამა, ჯგუფები ან სხვა ადმინისტრაციული დეტალები საჭიროების შემთხვევაში.

4. გადახდები და ფინანსური პირობები

• გადახდები პლატფორმაზე ხორციელდება ავტორიზებული ფინანსური პარტნიორის (გადახდის პროვაიდერის) მეშვეობით.
• ტრანზაქცია ითვლება დასრულებულად მხოლოდ წარმატებული გადახდის დადასტურების შემდეგ.
• პლატფორმა არ ინახავს მომხმარებლის საბანკო ბარათის სრულ მონაცემებს; გადახდის პროცესი მუშავდება ფინანსური პარტნიორის მიერ.
• პლატფორმა არ არის პასუხისმგებელი ბანკის, გადახდის სისტემის ან მესამე მხარის ტექნიკურ შეფერხებებზე, რომლებიც ხელს უშლის გადახდის შესრულებას.
• დოჯო11 უფლებამოსილია დროებით შეზღუდოს მომსახურებაზე წვდომა, თუ მომხმარებლის მხრიდან გადახდა დაგვიანებულია ან არ არის დადასტურებული.

5. გაუქმება და თანხის დაბრუნება

• პლატფორმის მეშვეობით განხორციელებული გადახდები (მათ შორის – აბონემენტის საფასური, გამოცდის საფასური და სხვა მომსახურების ღირებულება) ითვლება საბოლოოდ და არ ექვემდებარება თანხის დაბრუნებას.
• მომხმარებლის მიერ გადახდის დადასტურება ნიშნავს, რომ მან სრულად გააცნობიერა მომსახურების პირობები და ეთანხმება, რომ გადახდილი თანხა არ ბრუნდება, მიუხედავად იმისა, გამოიყენებს თუ არა მომხმარებელი შესაბამის მომსახურებას.
• გამონაკლისი შეიძლება არსებობდეს მხოლოდ იმ შემთხვევაში, თუ თანხის დაბრუნება პირდაპირ არის მოთხოვნილი მოქმედი კანონმდებლობით ან გადახდა განხორციელდა პლატფორმის ტექნიკური ხარვეზის შედეგად დუბლირებულად.
• დოჯო11 არ არის ვალდებული დააბრუნოს თანხა მომხმარებლის მიერ მომსახურებაზე უარის თქმის, გამოცდაზე გამოუცხადებლობის, დაგვიანების ან სხვა სუბიექტური მიზეზების შემთხვევაში.

6. ქცევის წესები და აკრძალვები

მომხმარებელი ვალდებულია პლატფორმის გამოყენებისას დაიცვას კანონმდებლობა და ეთიკის ნორმები. აკრძალულია:

• ყალბი ან შეცდომაში შემყვანი ინფორმაციის მიწოდება;
• პლატფორმის ბოროტად გამოყენება ან სისტემის მუშაობაში ჩარევის მცდელობა;
• სხვა მომხმარებლის, დოჯოს პერსონალის ან მესამე პირის მიმართ შეურაცხმყოფელი/მუქარის შემცველი ქმედება;
• ნებისმიერი ქმედება, რომელიც ქმნის უსაფრთხოების რისკს ან ზიანს აყენებს პლატფორმას/მომხმარებლებს.

7. პასუხისმგებლობის შეზღუდვა

• პლატფორმა უზრუნველყოფს მომსახურებას არსებული ფუნქციონალური მდგომარეობის ფარგლებში და არ იძლევა უწყვეტი, შეუფერხებელი ან ხარვეზისგან სრულად თავისუფალი მუშაობის აბსოლუტურ გარანტიას.
• დოჯო11 არ არის პასუხისმგებელი მომხმარებლის მოწყობილობის, ინტერნეტის ან პროგრამული უზრუნველყოფის ხარვეზებით გამოწვეულ შეფერხებებზე.
• დოჯო11 არ არის პასუხისმგებელი მომხმარებლის მიერ არასწორი მონაცემების მითითებით გამოწვეულ შედეგებზე.
• ვარჯიშთან დაკავშირებული უსაფრთხოება და წესების დაცვა მომხმარებლის პასუხისმგებლობის ნაწილია; დოჯო11 არ აგებს პასუხს იმ შემთხვევებზე, როდესაც ზიანი გამოწვეულია უსაფრთხოების წესების დარღვევით ან ინსტრუქტორის მითითებების უგულებელყოფით.

8. საკუთრების უფლებები

• პლატფორმაზე განთავსებული ნებისმიერი მასალა (ლოგო, ტექსტი, დიზაინი, ფოტო/ვიდეო მასალა, სასწავლო რესურსები და სხვა) ეკუთვნის დოჯო11-ს ან გამოიყენება კანონიერ საფუძველზე შესაბამისი უფლებამოსილი პირის ნებართვით, თუ კონკრეტულ მასალასთან დაკავშირებით სხვაგვარი საკუთრება ან წყარო ცალსახად არ არის მითითებული.
• აღნიშნული მასალის კოპირება, გავრცელება, შეცვლა ან კომერციული გამოყენება დაუშვებელია დოჯო11-ის წინასწარი წერილობითი თანხმობის გარეშე.

9. ანგარიშის შეჩერება ან შეწყვეტა

დოჯო11 უფლებამოსილია, თავისი შეხედულებით და კანონით დაშვებულ ფარგლებში, შეზღუდოს, შეაჩეროს ან შეწყვიტოს მომხმარებლის წვდომა პლატფორმაზე, თუ:

• ირღვევა წინამდებარე პირობები;
• არსებობს თაღლითობის ან უსაფრთხოების რისკი;
• მომხმარებელი ახორციელებს პლატფორმის ბოროტად გამოყენებას;
• ასეთი ქმედება აუცილებელია კანონით ან სამართლებრივი მოთხოვნით.

10. დავების გადაწყვეტა და მოქმედი კანონმდებლობა

წინამდებარე პირობები რეგულირდება საქართველოს კანონმდებლობით. ნებისმიერი დავა, რომელიც წარმოიშობა პლატფორმის გამოყენებასთან დაკავშირებით, განიხილება საქართველოს კანონმდებლობის შესაბამისად.

11. მიწოდების პირობები

შეკვეთის მიწოდება ხორციელდება საქართველოს ტერიტორიაზე, პარტნიორი საკურიერო მომსახურების საშუალებით.

შეკვეთის დამუშავება იწყება გადახდის დადასტურების შემდეგ. მიწოდების ვადა დამოკიდებულია მიწოდების მისამართზე და, როგორც წესი, შეადგენს 1-დან 5 სამუშაო დღემდე.

მიწოდების ღირებულება განისაზღვრება შეკვეთის გაფორმების პროცესში და დამოკიდებულია მისამართზე, ამანათის წონასა და მოცულობაზე, თუ სხვა პირობები (მაგალითად, უფასო მიწოდების აქცია) არ მოქმედებს.

მომხმარებელი ვალდებულია შეკვეთის მიღებისას შეამოწმოს პროდუქტის მდგომარეობა. დაზიანების ან ხარვეზის აღმოჩენის შემთხვევაში, რეკომენდებულია დაუყოვნებლივ აცნობოს კომპანიას და, შესაძლებლობის შემთხვევაში, არ ჩაიბაროს დაზიანებული პროდუქტი საკურიერის თანდასწრებით.

იმ შემთხვევაში, თუ მიწოდება ვერ განხორციელდა მომხმარებლის მიერ მითითებული არასწორი ან არასრული ინფორმაციის გამო, კომპანია არ არის პასუხისმგებელი მიწოდების ვადების დარღვევაზე ან დამატებით ხარჯებზე.

მიწოდება ხორციელდება სამუშაო დღეებში. განსაკუთრებულ შემთხვევებში (დღესასწაულები, მაღალი დატვირთვა და სხვა) შესაძლებელია მიწოდების ვადების ცვლილება, რის შესახებაც მომხმარებელი ინფორმირებული იქნება წინასწარ.

12. დაბრუნების პოლიტიკა (ფიზიკური პირებისთვის, დისტანციური შესყიდვა)

დისტანციური ფორმით (ონლაინ) შესყიდვის შემთხვევაში, ფიზიკურ პირს უფლება აქვს მიღებული საქონელი დააბრუნოს 14 (თოთხმეტი) კალენდარული დღის ვადაში. აღნიშნული ვადა იწყება იმ დღიდან, როდესაც მომხმარებელი ფაქტობრივად მიიღებს პროდუქტს.

საქონლის დაბრუნების სურვილის შემთხვევაში, აუცილებელია მყიდველი დაუკავშირდეს ვებ-გვერდზე მითითებულ საკონტაქტო ნომერზე.

დაბრუნების პროცესში პროდუქტი უნდა წარმოადგინოს თავად იმ ფიზიკურმა პირმა, რომელმაც განახორციელა შესყიდვა.

საქონლის დაბრუნებისას მომხმარებელი ვალდებულია შეავსოს შესაბამისი დაბრუნების ფორმა (დანართი №1).

დაბრუნება არ მიიღება შემდეგ შემთხვევებში:

• თუ პროდუქტი დამზადებულია ინდივიდუალური შეკვეთით ან მორგებულია მომხმარებლის პირად საჭიროებებზე;
• თუ დარღვეულია პროდუქტის ან მისი შეფუთვის პირვანდელი მდგომარეობა;
• თუ პროდუქტს არ აქვს შენარჩუნებული სამომხმარებლო თვისებები;
• თუ არ არის წარმოდგენილი სრული კომპლექტაცია (მათ შორის შეფუთვა/ყუთი).

პროდუქტის მდგომარეობის შემოწმება ხდება დაბრუნებისას, მომხმარებლის თანდასწრებით.

თანხის დაბრუნების წესი:

დაბრუნებული საქონლის ღირებულება ფიზიკურ პირს დაუბრუნდება არაუგვიანეს 3 (სამი) სამუშაო დღის ვადაში, პროდუქტის მიღების შემდეგ.

დანართი 1

13. პირობების ცვლილება

დოჯო11 იტოვებს უფლებას, ნებისმიერ დროს განაახლოს წინამდებარე წესები და პირობები. განახლებული ვერსია გამოქვეყნდება ამავე გვერდზე და ამოქმედდება გამოქვეყნებისთანავე.

14. საკონტაქტო ინფორმაცია

ელ. ფოსტა: info@dojo11.ge

ტელეფონი 1 (+995) 510 100 400

ტელეფონი 2 (+995) 555 705 400

მისამართი: თბილისი საბურთალო საირმის ქ 84